Мексиканинг Герреро штатида  15 ёшли қизалоқнинг туғилган куни кечасида отишма содир бўлди ва натижада 11 киши ҳалок бўлди. Бу ҳақда Cuatro нашри хабар берди.

Губернатор Эктор Астудильо Флореснинг сўзларига кўра, отишма бошланган чоғда воқеа жойида полиция ходимлари ҳам бўлган. Фожианинг асл сабаблари ҳозирча маълум қилинмаяпти.

La Jornada нашрининг ёзишича, ўтган йилнинг октябрь ойидан декабрига қадар Герреро штатида 324 киши ҳалок бўлган. Бу штат мамлакатнинг энг хавфли минтақаси саналади.

Масалан, 2014 йилнинг сентябрь ойида бўлиб ўтган таълим ислоҳотларига қарши норозилик намойишида ҳам 43 киши ҳаётдан кўз юмганди. Ўшанда полиция ходимлари намойиш фаолларига ҳужум қилади. Сўнг намойишчиларга қарши Guerreros Unidos наркотик моддалар савдогарлари жалб этилган. Ўшанда ҳалок бўлган талабаларнинг аксари жиноий тўдалар аъзолари сифатида айбланган.