2016 йил метеокузатувлар олиб борилаётган давр мобайнидаги энг иссиқ йил бўлади, дея ваъда қилмоқда британ олимлари. Бундан ташқари, улар маълумотига кўра, яқин беш йил ичида Ердаги ҳаво ҳарорати кўтарилишда давом этади.

The Guardian хабарига кўра, Британия Метеорология хизмати мазкур жараён атмосферага иссиқхона газларининг қўп миқдорда ажралиб чиқиши билан бир вақтда содир бўлишини қайд этиб ўтган.

2017 йилда эса, британ олимларининг фикрига кўра, рекорд бўлмаслиги ҳам мумкин. Бунга Тинч океанининг экваториал ҳудудларидаги сув юзаси ҳарорат тебранишларини вужудга келтириб, иқлим ўзгаришига катта таъсир кўрсатадиган Эль-Ниньо ҳодисасининг акси - Ла-Нинья жараёни сабаб бўлиши мумкин. бироқ 2018 йилдан заминимиз яна исишни бошлайди.

“Бу башоратлар тахминий. Улар иссиқхона газларининг ажралиб чиқишини ҳисоблашга асосланган. Бунда энг муҳим омил – океан ҳароратини олдиндан айта олмаймиз. Об-ҳаво биз кутгандан ҳам жуда тез ўзгаради”, - деди Британия Метеорология хизмати ходими Даг Смит.