Россия бозорида фаолият юритаётган Ravon компанияси R2 хэтчбеки (Ўзбекистондаги Chevrolet Spark)нинг рублдаги нархларини эълон қилди. Бу ҳақда Motor.ru нашри хабар тарқатди.

Манбага кўра, мазкур моделдаги автомобилларнинг фақатгина автоматлашган узатиш тизими билан жиҳозлангани сотувга чиқарилган бўлиб, модел 369 минг рублдан бошланадиган нархда таклиф қилинмоқда. Шу тариқа, R2 Россияда энг арзон автоматлашган моделга айланди.

Ravon R2 1,25 литр сиғимли тўрт цилиндрли двигателга эга. Агрегатнинг узатиш тизими 85 от кучига тенг. Модель соатига 100 километр тезликка 12,4 сонияда ичида эриша олади. Максимал тезлиги соатига 161 километрга тенг.

Ravon R2 га қўшимча сифатида хавфсизлик ёстиқчаси ва Мр3 файлларини ўқишга мўлжалланган аудиотизим билан бирга тақдим этилади.

Бундан ташқари, Ravon линейкасида яна иккита седан бор, булар Nexia (379 минг рубль) ва Gentra (439 минг рубль).

Эслатиб ўтамиз, Ravon маркали машиналар Россия бозорида 2015 йилнинг октябрь ойидан бошлаб пайдо бўлганди.