Хитой 1 февралда BeiDou миллий навигация тизимининг 21-йўлдошини орбитага муваффақиятли чиқарди. Бу ҳақда Хитой ОАВлари маълум қилди.

"Чанчжэн-3 бин" ("Буюк сафар-3С") ракета-ташувчи йўлдош билан бирга Сичуань вилоятидаги "Сичан" космодромидан учирилди. Ракетанинг учирилиши "Чанчжэн" ракета-ташувчилари сериясининг 224-парвози бўлди.

BeiDou – минтақавий навигация тизими бўлиб, у 2000 йилда орбитада жойлаштирила бошланган. У Хитой, унга қўшни давлатлар ва Осиё-Тинч океани минтақасининг бошқа ҳудудларидаги географик координаталарни аниқлашни таъминлайди. Тизим объектларнинг жойлашган ўрнини 10 метргача аниқликда топишга имкон беради. BeiDou йўлдошлар гуруҳи 2020 йилгача орбитада тўлиқ жойлаштирилади. Бунгача Хитой BeiDou’ни 35 йўлдошгача етказиб, уни глобал навигация тизимига айлантирмоқчи.