АҚШ ҳукумати ўзининг Европага жойлаштирилган ҳарбий контингентини кучайтириш мақсадида 3,4 млрд доллар йўналтиради. Бу ҳақда АҚШ президенти маъмуриятидаги манбасига асосланган ҳолда The New York Times нашри хабар берган.

"Бу Европадаги вужудга келган хавфли шароитларга жавобан шошилинч реакция ҳисобланади. Бу Россиянинг минтақада юзага келтирган мураккаб вазияти туфайли", деган манба.

Манбанинг сўзларига кўра, Венгрия, Руминия ҳамда Болтиқ бўйи давлатларидаги қисмлар янги ҳарбий техникалар ва қуроллар билан тўлдирилади.