"Арсенал" жамоаси бош мураббийи Арсен Венгер жамоанинг чехиялик ярим ҳимоячиси Томаш Росицкининг навбатдаги жароҳатга йўлиқишига муносабатини билдирди.

"Бу ҳолатга ҳеч ким тушунмади. Танаффусдан кейин унга машқлар бажаришга киришишни кўрсатма бердим. У 20 дақиқа давомида жон дили билан шуғулланди. У барча машқларни тез бажараётганди. Кейин уни майдонга туширдим, у эса 3 дақиқа ўтибоқ жароҳат олган.

Мен унга юзландим ва "Томаш, сен ўзингга ўхшамаяпсан", дедим. Чунки, у оёғида яхши ҳаракатлана олмаётганди ва бир неча марта тўпни йўқотди.

Менда унинг бир вақтлардаги ўйинидан ёрқин таассуротлар қолган. У ўйиндан кейин менга майдонга тушганидан бир неча дақиқа ўтиб, жароҳат олгани ҳақида айтди.

У майдонга тушишдан олдин 20 дақиқа шуғулланганди. Кўриниб турибдики, унинг ҳоли хароб. Бунга ишониб бўлмайди. У яхши футболчи эди, аммо уни жароҳатлар адо қилди. У ҳозирда 35 ёшда ва унга қийин дамлар келди.

Умид қиламанки, бу ҳолат узоқ давом этмайди", дейди Венгер.

Росицки мавсумнинг биринчи даврасида ҳам жароҳат туфайли 1 ойга сафдан чиққанди.

У 30 январь куни жамоанинг Англия лигаси кубоги доирасида "Бёрнли"га қарши ўтказган баҳсининг 70-дақиқасида майдонга туширилганди.