Британиянинг The Telegraph нашри Хосеп Гвардиоланинг «Манчестер Сити» бош мураббийлигига тайинлаганидан сўнг эълон қилган мақоласида испаниялик мутахассиснинг клубга «Барселона» футболиси Лионель Мессини олиб келиш имкониятлари борасида ҳам тўхталиб ўтган.

«Манчестер Сити» эндиликда янги трансфер мавсуми олдидан «Бавария» ҳимоячиси Давид Алаба, «Эвертон» ҳимоячиси Жон Стоунз ва «Ювентус» ярим ҳимоячиси Поль Погбани ўз сафига қўшиб олишга уриниб кўради.

«Сити»дагилар Гвардиоланинг жамоага келиши, исталган футболчини жамоа таклиф қилишда катта ютуқ бўлиб хизмат қилишини яхши билишади. Шу маънода клуб Мессини ҳам сотиб олиши мумкин. Энди Мессининг клубга келиши имкониятлари ошди», дейилади мақолада.

Эслатиб ўтамиз, Гвардиола 2016 йил 1 июлидан бошлаб «Манчестер Сити»ни бошқаради. Уч йиллик шартномага кўра, Гвардиола йилига 26,5 миллион евро маош олади.