Эрон Ташқи ишлар вазири Муҳаммад Жавод Зариф 5 февраль куни Буюк Британияга ташриф уюштиради. Бу ҳақда Fars агентлиги хабар тарқатган.

Қайд этилишича, эронлик вазир 5 февраль куни Лондонда икки мамлакат ўртасидаги алоқаларнинг ривожланиш жараёни бўйича музокара ўтказади.

Муҳаммад Жавод Зарифнинг ташрифи Буюк Британияга кейинги 12 йил ичида илк эронлик вазирнинг ташрифи бўлиши кутилмоқда.

Охирги марта Лондонга 2004 йилда Эроннинг собиқ ташқи ишлар вазири Камол Хоразий борганди.