Хитойда Янги йилдаги саёҳатлар мавсуми – “Чуньюнь” дунёда бу турдаги энг йирик воқеа ҳисобланади. Аммо 2016 йили об-ҳавонинг ёмон келиши муносабати билан одамлар кутилмаган қийинчиликларга дуч келишди.

Қор ва ёмғир оқибатида Гуанчжоу (Гуандун вилояти) вокзалидаги 32 поезд кечикди, бунинг оқибатида бино ичида ва атрофида 100 минг киши тўпланиб қолди.

Айримлар поезд юришини 10 соатдан ошиқ кутишди. Баъзи бировлар вокзалга бир кун олдиндан келиб олгани маълум бўлди. 2014 йил 31 декабрида Шанхайда мана шунга ўхшаш бир вазиятда келиб чиққан тиқилинчликда 36 киши ҳалок бўлган, 47 киши яраланган эди.