Англия Премьер лигаси клублари қишки трансфер мавсумида янги футболчиларни харид қилиш учун жами 110,9 миллион фунт сарфлади.

Қайд этилишича, «Ньюкасл» клуби АПЛда трансферлар учун энг катта миқдорда пул ишлатган жамоа бўлди - 28,5 миллион фунт. Бу жамоа Жонжо Шелви, Андрес Таунсенд ва Анри Севени сотиб олган. Бундан ташқари, Стива Макларен мураббийлигидаги жамоа трансферлар даричаси ёпилиши арафасида Сейду Думбияни ижарага олди.

Шунингдек, лиганинг янги футболчилар билан таркибини кучайтириш мақсадида энг кўп пул сарфлаган жамоалари рўйхати юқорисида «Норвич» ва «Уотфорд» жой олган - бу жамоалар бир хилда 26,1 миллион фунтдан сарфлашган.

Шунингдек, «Сток Сити» (18,3 млн фунт), «Сандерленд» (17,3 млн фунт), «Борнмут» (17,2 млн фунт), «Эвертон» (16,5 млн фунт) трансферлар бозорида фаол бўлган.