Чеченистон раҳбари Рамзон Қодиров инстаграмдаги саҳифасидан Россиянинг собиқ бош вазири Михаил Касьянов "нишонга олинган" ҳолда тасвирланган видеонинг ўчириб ташланишига жавобан Instagram ижтимоий тармоғи маъмуриятини сўз эркинлигига босим ўтказишда айблади.

"АҚШнинг занжирбанд итлари ҳақида бир неча оғиз сўз айтишим билан менинг Instagram’даги постимни ўчириб ташлашибди. Мана, мақталган америкача сўз эркинлиги! Нима ҳақида ёзсангу ёзу, лекин Американинг итларига, Давлат департаменти ва конгресснинг дўстларига тегма", деб ёзди Қодиров янги постида.

Аввалроқ ижтимоий тармоқ маъмурияти бу видеони ижтимоий тармоқ қоидаларини бузгани учун ўчириб ташлаганди.