Samsung Galaxy S7 смартфони расман 21 февралда намойиш қилиниши мумкин

Технология 02 Февраль 2016 7402

Эван Бласс исмли блогер (@evleaks) Samsung компаниясининг YouTube’даги расмий каналида жойлаштирилган видеодан скриншот чоп этди. Унга кўра, Жанубий Корея компанияси Барселонада Mobile World Congress 2016 (MWC 2016) кўргазмаси очилишидан бир кун аввал, яъни 21 февралда Galaxy смартфонлар қатори ҳақида қандайдир янги маълумот беришга ваъда бермоқда. Бу кўргазма кўлами ва Samsung’нинг расмий эълони анонснинг анча муҳимлигидан дарак беради. Эҳтимол бу куни компаниянинг янги Samsung Galaxy S7 смартфони намойиш қилинар.

Бир неча кун аввал бир манба Galaxy S7 ва Galaxy S7 Edge смартфонларининг фотосуратини чоп этганди.

Суратларга қараганда, янги смартфон аввалги моделлардан деярли фарқ қилмайди. Манбаларнинг маълумотларига кўра, Samsung Galaxy S7 ва S7 Edge смартфонлари мос равишда 5,1 ва 5,5 дюймли QHD кўрсатиш қобилиятига эга (2560 × 1440 нуқта) Super AMOLED дисплейлари, Qualcomm Snapdragon 820 ва Samsung Exynos 8890 процессорлари, 4 Гбайт тезкор хотира, 32 ёки 64 Гбайтли флеш-хотира, microSD хотира карталари учун слот, бармоқ излари сканери, 12 Мп ли BRITECELL орқа камера ва селфи учун 5 Мп ли олд камера билан жиҳозланади. Galaxy S7 ва Galaxy S7 Edge’нинг тез қувватланиш функциясига эга аккумуляторлари ҳажми мос равишда 3000 ва 3600 мА•соатни ташкил қилади.

Иккала қурилма ҳам IP67 стандарти бўйича сув ва чанг тушишидан ҳимояга эга, янги Android Marshmallow операцион тизимида ишлайди. Смартфонлар, айтилишича, 11 мартдан сотувга чиқарилади.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 45403 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 15318 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 95340 Ўзбекистон
Барселонадаги теракт ва Каталониянинг Альканар шаҳридаги портлашлар ўзаро боғланган бўлиши мумкин
08:18 2 Жаҳон
Венесуэла аҳолиси ейиш мақсадида ҳайвонот боғидан жонзотларни ўғирлагани тахмин қилинмоқда
08:05 185 Жаҳон
Европада Барселонадаги терактлардан кейин хавфсизлик чоралари кучайтирилди
08:01 267 Жаҳон
Барселона яқинида яна бир теракт амалга оширилди
07:08 1652 Жаҳон
Барселонадаги теракт учун жавобгарликни ИШИД ўз зиммасига олди
07:03 1631 Жаҳон
Хитойдаги кимё заводида кучли портлаш юз берди
00:33 3032 Жаҳон
Кекса немис Исландияга эски тракторда саёҳатга жўнади
00:24 1972 Жамият
Кўпроқ янгиликлар