Ўзбекистон Республикаси меҳнат ва аҳолини ижтимоий муҳофаза қилиш вазирлигининг Меҳнатни муҳофаза қилиш бошқармаси бошлиғи ўринбосари Сулаймонова Нозима ахборотига кўра, 2015 йилда тармоқларда меҳнатни муҳофаза қилишга оид 89та норматив хуқуқий ҳужжат амалиётга тадбиқ этилди.

Бу эса тармоқлардаги корхона ва ташкилотларда меҳнат шароитларини яхшилаш, содир бўлиши мумкин бўлган бахтсиз ҳодисаларнинг олдини олиш, ходимларни махсус кийим ва бошқа ҳимояланиш воситалари билан бепул таъминлашига қаратилган.

45 мингдан ортиқ йирик ва ишлаб чиқаришлари хавфли корхоналарда иш берувчиларнинг фуқаролик жавобгарликларини суғурта қилиш учун 30 млрд сўмга яқин маблағлар йўналтирилди.

Текширишлар сони эса 2015 йилда 3270 тани ташкил этиб, ўтган йилга нисбатан 16 фоизга камайтирилди, натижада 614 та тадбиркорлик субъектининг ишларига аралашишининг олди олинди.