ХХР ҳукуматининг қарорига мувофиқ 6 февралдан эътиборан Қирғизистон билан чегарадаги назорат ўтказиш пунктлари бир неча кунга ёпилади. Бу ҳақда Қирғизистон чегара хизмати хабар бермоқда.

Пунктларнинг ёпилиши Хитой ташаббусига кўра амалга оширилади. 

Ўша кунларда ХХРда миллий байрам – Баҳор куни нишонланади. Шу боис 6-14 февраль кунлари Қирғизистоннинг Ўш вилоятига ёндош “Иркиштом-автойўл” ўтказиш пункти ёпилади. Норин вилоятидаги “Тўруғарт-автойўл” пункти эса 6-13 февраль кунлари ишламайди.