Лондоннинг «Арсенал» клуби бош мураббийи Арсен Венгер АПЛнинг 24 тур доирасидаги «Саутҳемптон»га қарши учрашувдан (0:0) кейин нега жамоа қишки трансферлар вақтида янги юқори савияли футболчи сотиб олмаганини изоҳлаб ўтди.

«Эшитинг, агар сиз қишки трансферлар пайтида «Арсенал»га аниқ ўтиши мумкин бўлган топ даражадаги ҳужумчилар ҳақида маълумотга эга бўлсангиз, бу ҳақда нега олдинроқ менга айтмадингиз? Бир нарсани тушунинг, улар кўчада юриб: «Илтимос, мен билан шартнома тузинг», деб сўраб юришмайди. Уларнинг барчаси улкан клубларда тўп суришади. Уларнинг барчасида шартномалар бор.

Бизда эса Жиру, Санчес, Ўзил, Уолкотт ва сафга қайтаётган Уэлбек бор. Шундай экан, бизда гол уришни биладиганлар мавжуд», – дея гапириб ўтди Венгер.

Куман ўйин ҳакамини Арсен Венгердан ҳимоя қилди