Эрон биринчи марта Тожикистонга нефть маҳсулотлари етказиб бера бошлади, деб хабар бермоқда Shana ахборот агентлиги.

Келишув амалга оширила бошлангани ҳақида National Iranian Oil Products Distribution Company (NIOPDC) раҳбари Муҳаммад Маҳдий Курайё ахборот берди. Унинг сўзларига қараганда, айни пайтда Эрон Тожикистонга 2.9 млн л бензин етказиб беришга улгурган. “Илгари бу маҳсулот энг узоғи Афғонистонга экспорт қилинган”, - тушунтирди Курайё.

У биринчи партия икки ҳафта муқаддам етказиб берилганини айтиб ўтди.