Internetda Chimkentda hibsga olingan tadbirkorning qizining tug‘ilgan kunidan olingan video paydo bo‘ldi

Internetda yaqinda Chimkentda hibsga olingan, pivo ishlab chiqaruvchi zavod egasi To‘xtar Tuleshovning kichik qizining tug‘ilgan kuni videosi paydo bo‘ldi.

Videoda tug‘ilgan kun "Uzuklar hukmdori" filmidagi uslubda o‘tayotganini ko‘rish mumkin. Tug‘ilgan kuni bo‘layotgan qizcha filmdgi asosiy ayol qahramonlardan biri – elflar malikasi Arven, qizchaning otasi esa elflar qiroli Elronda qiyofasida bo‘lgan.

Tug‘ilgan kun mehmonlari ham filmdagi qahramonlar – elflar, xobbitlar, orklar, sehrgarlar va qora otliqlar qiyofasida bo‘lganlar. Tantana turli dekoratsiyalarda o‘tgan: sirli daraxtlar lavhalari urush sahnasi, daryo bo‘ylab oqish esa "xobbitlar qishlog‘i"dagi o‘tirishlar bilan almashgan.

Shuningdek, tantanaga taklif qilingan artistlar orasida Rossiyaning M-Band guruhi ham bo‘lgan.

To‘xtar Tuleshov 30 yanvarda Chimkentda o‘tkazilgan maxsus operatsiya vaqtida yana 3 kishi bilan birga hibsga olingandi.

{Yii::t(}

O'tkazib yuborish 6s

O'tkazib yuborish