"Саутгемптон" жамоаси бош мураббийи Роналд Куман "Арсенал"га қарши ўйин якунланганидан (0:0) кейин рақиблар бош мураббийи Арсен Венгер билан қўл бериб хайрлашиш вақтида ўйин ҳакамини Венгердан "ҳимоя қилди".

Икки мураббий ўзаро қўл ташлашиш асносида Венгер ўйинни бошқариб борган ҳакам Крейг Доусонга киноя билан дейди: "Сиз, ҳамишагидек, ўз ишингизни қилдингиз, ўз репертуарингиздан четга чиқмадингиз".

Бу вазиятда эса Куман жим турмайди ва ҳакамнинг ёнини олади.

"Йўқ, аксинча, сиз ўз репертуарингиздасиз", дея француз мураббийга юзланган Куман. У бу вазиятда Венгерни "ҳар сафаргидек барча айбни ҳакамга ағдаришга уриниш"да айблаган. Голландиялик ушбу мутахассис "канонирлар"да гол уриш учун яққол 10та қулай вазият бўлганини, футболчиларнинг ўзи бу вазиятларни кўкка совурганини" қайд этиб ўтган.

«Арсенал» 2009 йилдан бери илк марта қаторасига 3та ўйинда гол ура олмади