Туркиянинг Адан шаҳридан унча узоқ бўлмаган ҳудудда учувчисиз учиш қурилмаси қулаб тушган. Haber Türk нашри хабарига кўра, бу АҚШ ҲҲКга тегишли дрон бўлган.

Воқеа жойига, Адандан 15 км масофадаги Догакент туманидаги қишлоқ хўжалик экинлари экилган майдонга полициячилар етиб келишиб, ҳудудни ўраб олишган. Бу ерга Инжирлик базасидан мутахассислар ҳам чақирилган.

Ҳозирча бу ҳодиса ҳақидаги хабарга расмий шахслар томонидан муносабат билдирилмаган.

Haberler нашри ўтган йилнинг 20 октябрида ҳам Хатай вилояти ҳудудида АҚШ ҲҲКга тегишли дрон қулаб тушганини эслатиб ўтган.