Ўзбекистон Sharq нашриёт матбаа акциядорлик компанияси акцияларини сотувга қўйди. Бу ҳақда Sputnik Давлат рақобат қўмитаси вакилига таяниб хабар тарқатди.

Манбага кўра, хорижлик инвесторлар учун компаниянинг 44 фоиз акциялари таклиф қилинмоқда. Натижада корхонанинг асосий акциялар пакети (51 фоиз) давлат ихтиёрида қолади. Қолган 5 фоиз акциялар компания ходимларига тегишли бўлиб қолади.

"Айтиш керакки, иш унумдорлигини ошириш ва ишлаб чиқариш харажатларини қисқартириш учун ускуналарни янгилаш ва замонавий бошқарув ечимларини жорий этиш мақсадида Sharq нашриётига хорижий инвесторлар келиши зарур. Ишлаб чиқаришни модернизациялаш ҳар йили маҳсулот ҳажмини 8-12 фоизга ошириш имконини беради.
Бугунги кунда корхона қувватлари умумий йиллик ададда 85 млн. нусхадан ортиқ 80 дан зиёд газета ва 20 та журнал, шунингдек, 16 млн. китоб чоп этиш имконини беради. Моддий-техник база Германия, Ҳиндистон, Америка, Австрия ва Швеция ускуналаридан иборат", дейилади telegraf.uz хабарида.