Россиянинг Екатеринбург шаҳри аэропортида жомадонида 20 миллион рубль олиб кетаётган эркакка ҳужум уюштирилди. Бу ҳақда РИА “Новости” ҳудуд полицияси маълумотига таяниб хабар қилди.

Маҳкама хабарига кўра, Екатеринбург аэропорти олдидаги майдонда юзини шарф билан бекитиб олган жиноятчи ҳеч қаерда ишламайдиган эркак кишига тўппонча ўқталиб, унинг қўлидаги 20 миллион рубль солинган жомадонни олиб қўяди ва кутиб турган машинага ўтириб, яширинади.

Агентлик ахборот манбасининг хабар қилишича, пул маблағлари ташувчининг тадбиркор қариндошига тегишли бўлган. Мазкур иш юзасидан жиноий иш қўзғатилган. Ҳужум қилган шахс миниб кетган “Жигули” автомобили ҳам қидирувга берилган.