Англиянинг «Манчестер Сити» клуби собиқ бош мураббийи Стюарт Пирснинг тан олишича, у 2005 йилда Хосеп Гвардиолани яроқсизга чиқариб, унга шартнома таклиф қилишни истамаган.

«Агар ўшанда келажакда у шундай кучли мураббий бўлишини билганимда, мен унга иш берган бўлардим. У биз билан бирга бир неча кун машғулотларда иштирок этган. Ўшанда Пеп Яқин Шарқда (Қатар жамоаларидан бирида — Kun.Uz) ўйнаб қайтган ва ўзига жамоа қидираётганди».

«У ажойиб инсон, бироқ ўшанда мен келажакда топ-мураббий бўлишини билмаганман. Бизга унинг ўйинчи сифатида хизматлари керак эмасди, аммо мураббий сифатида у клуб учун ажойиб харид бўлди», - дея гапириб ўтган Пирс «BBC Radio 5 live» нашрига берган интервьюсида.

Эслатиб ўтамиз, душанба куни «шаҳарликлар» каталониялик 45 ёшли мутахассис ёзда жамоа бошқарувини қўлга олиши ҳақида расмий хабар тарқатганди.