Япония бош вазири Синдзо Абэ АҚШ ва бошқа давлатлар билан биргаликда ишлаб, Шимолий Кореядан ракета учириш режасидан воз кечишини қатъий талаб қилишини айтди. Бу ҳақда Reuters ахборот агентлиги маълум қилди. 

Абэнинг айтишича, Шимолий Кореянинг бу қарори Япониянинг миллий хавфсизлигига хавф солувчи иғвогарликдир.

Аввалроқ Жанубий Корея Шимолий Корея сунъий йўлдош эмас, балки узоқ масофалик таъсир доирасига эга ракетани учиришини маълум қилганди.

Шимолий Корея Денгиз маъмурияти директори мамлакат миллий коинот дастури доирасида сунъий йўлдош учиришини айтганди. АҚШ Давлат департаменти йўлдошнинг учирилиши Шимолий Корея томонидан халқаро мажбуриятларнинг "чидаб бўлмас қоидабузарлиги" бўлишини айтган.