Япониятда 2020 йилда Токиода бўлиб ўтадиган роботлар Олимпия ўйинларида қандай “спорт турлари” киритилиши масаласи муҳокама қилинмоқда. Уларни Япония пойтахтида бўлиб ўтадиган ёзги Олимпия ўйинлари билан бир вақтда ташкиллаштириш режалаштирилмоқда.

Муҳокамалар Иқтисодиёт, савдо ва саноат вазирлиги қошидаги махсус қўмита томонидан ташкиллаштирилди. Унга тадбиркорлар, амалдорлар ва экспертлар вакиллари жалб этилган.

Қўмита аъзоларининг фикрича, мусобақалар ишлаб чиқариш, мижозларга хизмат кўрсатиш ва беморларни парваришлашда фойдаланиш каби учта йўналиш бўйича ўтказилиши керак. Бир йил ичида мазкур йўналишлар мусобақага катта драматик руҳ бериши учун янада аниқлаштирилади. Масалан, роботлар ўртасида маҳсулотларни кўпроқ қадоқлаш, кексаларни харидлар учун сайрга олиб чиқишда уларга йўлбошловчилик қилиш ва бошқалар инобатга олинади.