2013 TX68 деб номланган астероид 2013 йилда кашф қилинган. Ўшанда у Ер сайёрасидан 2 миллион километр масофадан учиб ўтган эди. Айни шу осмон жисми 5 март куни ҳам Ерга яқинлашиб, бор-йўғи 17 минг километр узоқликдан парвоз қилади. Бу ҳақда NASA хабар қилмоқда.

Мутахассисларнинг тасдиқлашича, объектнинг ҳаракатланиш траекториясини аниқ ҳисоблаб чиқиш имконсиз. Уни кузатиш эса жуда қисқа фурсат давом этади. Шуниси аниқки, астерод Ерга хавф туғдирмайди.

2013 TX68 астеродининг Ерга кейинги яқинлашуви 2017 йилнинг 17 сентябрида содир бўлади. Ҳисоб-китобларга кўра, икки йилдан кейинги парвознинг Ерга хавф солиш эҳтимоли 250 миллиондан бир улушга тенг бўлади.