Google компанияси фойдаланувчиларни фишинг (интернет фирибгарлигининг бир тури) ва зарарли ҳаракатлардан ҳимоя қилиш мақсадида Chrome, Firefox ва Safari браузерларида фойдаланиладиган Google Safe Browsing хизматида контентларни блоклашнинг янги турини жорий этиш ҳақида эълон қилди.

Бундан буён фойдаланувчи зарарли дастурлар мавжуд сайтларга кирмоқчи бўлганида огоҳлантирувчи саҳифа очилади ва ишни тўлақонли давом эттириш учун қўшимча дастур ёки плагин ўрнатилиши кераклиги айтилади.

Фирибгарлик, ёлғончилик йўли билан дастурларни юклаш, браузерни янгилаш ва янада замонавийсига алмаштириш, мусиқа ёки видеоларни “очадиган” плеерларни ўрнатиш зарурлиги хабари бериладиган сайтлар шулар тоифасига мансуб. Шу вақтга қадар кўплаб интернет фойдаланувчилари бу каби сайтларга кириш орқали турли вирус, троян ва зарарли дастурларни компьютер ва бошқа электрон қурилмаларига юклаб олишаётган эди.