Қирғизистоннинг давлат қарзи 3,7 млрд долларни ташкил қилмоқда. Бу ҳақда матбуот-анжуманида Қирғизистон молия вазири Одилбек Қосималиев маълум қилди.

Қосималиевнинг айтишича, давлат қарзининг 94 фоизи ташқи қарзларга тўғри келади. 2015 йил 30 ноябрда ташқи қарз 3 млрд 491 млн доллар ёки 264 млрд 987 млн қирғиз сомини ташкил қилган. Мамлакатнинг ички қарзи эса 204 млн долларни ташкил қилмоқда.

2015 йилда доллар курсининг ошиши сабабли Қирғизистоннинг давлат қарзи бўйича тўловлари 345,2 млн сомга кўпайган. Молия вазирлиги ташқи қарзнинг ялпи ички маҳсулотга нисбатан максимал чегарасининг ошиши мумкинлигини айтмоқда.