Samsung компанияси Galaxy Note 5 фаблетларини оммавийлаштиришнинг янги усулини ўйлаб топди. Энди Жанубий Кореяга келаётган сайёҳларга флагман гаджетлари бепул тарқатилади, дейилмоқда компания сайтида.

Жанубий Кореяда компаниянинг бу лойиҳаси ҳамкорлари SK Telecom алоқа оператори ва Korea Tourism сайёҳлик ташкилоти бўлади. Смартфонлар февралдан бошлаб тарқатила бошланади: ҳар ҳафтада Жанубий Кореяга Сеулдаги марказий аэропорт орқали келаётган 250 нафар омади кулиб боққан сайёҳ гаджетларни вақтинчалик фойдаланиш учун олиши мумкин бўлади.

Шу тариқа йил давомида 12 мингга яқин одам фаблетдан фойдаланиб, унга баҳо бериш имконига эга бўлади. Бироқ бунда талаблар қатъий: Galaxy Note 5 ёрдамида SK Telecom хизматлари билан бепул 5 кун фойдаланиш мумкин бўлади, интернет трафик эса 1 Гбайт миқдорида чекланган.