Хитойнинг энг йирик банклари – Bank of China ва Agricultural Bank of China банкларининг Россиядаги филиаллари 2015 йил декабрдан Россиядан ўз активларини олиб чиқиб кетишни бошлашди. Бу ҳақда "Известия" нашри хабар берган.

Россия ва Хитой ўртасида экспорт-импорт муносабатларига ихтисослашган Bank of China энг кўп миқдорда активни олиб чиқиб кетган. Декабрь ойида унинг Россиядаги активлари 55,9 млрд рублдан 38,5 млрд рублгача, яъни 31 фоизга қисқариб кетган.

"Биз Россия ва Туркия ўртасидаги ихтилофга жавоб бермаяпмиз. Активларнинг пасайиши россиялик юридик шахслар банкда очилган ҳисоб рақамлардан маблағлар олгани билан боғлиқ. Бу уларнинг ҳуқуқи ва биз уни бажарганмиз", деб айтди банк вакили.

Экспертларнинг фикрича, бу ҳолатга нефть нархининг пасайишидан ташқари, Хитой фонд бозорларида вазиятнинг ёсмонлашгани қўшимча омил бўлган. Бу шароитларда Хитой банклари хорижда, айниқса валюталари нобарқарор бўлган давлатларда кенгайишни йиғиштиришга қарор қилишган.