2015 йилда Қирғизистонга импорт ҳажми 59,3 фоизга қисқарди. Бундай маълумотлар Қирғизистон Давлат божхона хизмати ялпи йиғилишида ўқиб эшиттирилди.

Ўтган йил натижаларига кўра мамлакатнинг импорт ҳажми 3 млрд 393,8 млн долларни ташкил қилган. Бу 2014 йилдагидан 2 млрд 326,8 млн сомга камроқни ташкил қилган. 2015 йилда Қирғизистонга вазн кўринишида 4 млн 514,9 минг тонна юк олиб кирилган.

"Учинчи давлатлардан Қирғизистонга маҳсулотлар импорти пул кўринишида 2015 йилда 2 млрд 138,4 млн долларни ташкил қилган ва бу 2014 йилдагига нисбатан 65,6 фоиз ёки 1 млрд 122,9 млн сом камроқни ташкил қилган. Бу тенденция Евроосиё иқтисодий иттифоқи учун хос бўлмоқда. Евроосиё иқтисодий комиссияси маълумотларига кўра, учинчи давлатлардан 2015 йилнинг январь-ноябрь ойларида импорт ҳажми 186,6 млрд долларни ташкил қилган. 2014 йилга нисбатан импорт ҳажми 35,9 фоизга ёки 104,4 млрд долларгача қисқариб кетган", дейилмоқда ҳисоботда.