Суд Американинг Apple корпорациясига патентлар эгаси ҳисобланган VirnetX компаниясига унинг технологияларидан ноқонуний фойдалангани учун 625,6 миллион доллар тўлаш мажбуриятини юклади. Техас штатида бўлиб ўтган суд вақтида федерал ҳакамлар шундай қарорга келишди, дея хабар бермодқа ТАСС.

Суриштирув натижаларида Apple VirnetX эгалик қилаётган бир қатор патент ҳуқуқларини бузгани аниқланди. Жумладан, суд маълумотига кўра, Калифорниядаги корпорация FaceTime видеоқўнғироқлар учун илова яратишда ва iMessage лаҳзалик хабар алмашинув хизматини ишлаб чиқишда VirnetX`га тегишли бўлган интеллектуал мулклардан ижозатсиз фойдаланган.

VirnetX Apple`га нисбатан даъво аризасини бир неча йил муқаддам тақдим этган эди. 2012 йилда бўлиб ўтган суд компания шикоятини ҳаққоний деб топиб, Apple`га 368 миллион доллар тўлаш тўғрисида ҳукм чиқарган. Аммо аппеляцион суд кейинроқ ушбу ҳукмни тўхтатди. Apple мазкур ҳукм юзасидан норозилик шикоятига тайёргарлик кўраётганини маълум қилган эди.