Каталониянинг «Барселона» клуби Испания Кубоги финал учрашувини азалий рақиби ҳисобланмиш Мадриднинг «Реал» клуби уй стадиони «Сантьяго Бернабеу»да ўтказилишини истамоқда. Бу ҳақда AS нашри хабар тарқатди.

«Барселона» Испания кубоги доирасидаги ярим финалнинг дастлабки учрашувида «Валенсия» устидан 7:0 ҳисобида ғалаба қозонгач, амалда жавоб учрашуви олдидан финал йўлланмасини нақд қилиб бўлди. Шунингдек, иккинчи финалчи номи ҳам деярли маълум: «Севилья» «Сельта»га қарши дастлабки учрашувда йирик (4:0) ҳисобда ғалаба қозонди.

«Барселона» клуби нейтрал майдон сифатида сиғими каттароқ бўлган «Сантьяго Бернабеу»да ўйнашни маъқул кўраётгани айтилган. «Реал» раҳбарияти эса бунга қаршилик кўрсатиши кутилмоқда.

Испания футбол федерацияси ихтиёрида захира стадионлари сифатида «Висенте Кальдерон» ва «Месталья» вариантлари бор.