АҚШ Ливиядаги вазиятни синчковлик билан кузатмоқда, бироқ ўзининг бу ҳудудда ролини кенгайтириш борасида бир қарорга келмади, деб хабар бермоқда Reuters ахборот агентлиги.

Бу ҳақда Пентагон раҳбари Эштон Картер Невададаги авиабазага ташрифи давомида айтиб ўтди.

Картер АҚШ Ливиядаги вазиятни сиёсий йўл билан ҳал қилишга эътибор қаратаётганини таъкидлади. АҚШ Ливияда бир-бири билан урушаётган томонлар ягона ҳукумат ташкил қилишини кутмоқда.

Аввалроқ ОАВда АҚШ ва Буюк Британия Ливияни террорчилар билан курашиш учун минг аскарни қабул қилишига кўндиришни режалаштираётганлари маълум қилинганди.

Бу хабар пайдо бўлган куннинг эртасига Буюк Британия ташқи ишлар вазири Филип Хаммонд Британия ҳукумати Ливияга ўз қўшинларини юборишни режалаштирмаётгани, бироқ Ливиянинг янги ҳукуматига стратегик ва разведка кўмагини кўрсатишини айтди.