Қозоғистоннинг Жезқазған вилоятида яшовчи фуқаро ёниши мумкин бўлган ҳар қандай чиқиндидан ёнилғи оладиган қурилмани ихтиро қилди. Бунда янги ускуна ўзининг экологик тозалиги билан ажралиб туради, дея хабар бермоқда “Объектив Казахстан”.

Ихтирочи Серик Дюсенулининг айтишича, хом ашё сифатида ёниши мумкин бўлган ҳар қандай чиқинди – қоғоздан тортиб, озиқ-овқат чиқиндиларигача қўлланилиши мумкин.

Ускунанинг ўзи эса метал чиқиндилардан тайёрланган, бироқ ишлаб чиқараётган маҳсулот ҳайратланарли: мазут, дизель ёнилғиси, бензин ёки газ.

Ихтирочининг айтишича, қурилмани ясашга бир неча йиллар ва 50 минг тенге керак бўлди. Бунда унга яқинлари кўмаклашди.

Эндиликда ускунанинг катта нусхасини ясаш устида ишлар олиб борилмоқда.