Хитой Халқ банки (Марказий банки) жорий ҳафтада мамлакатнинг иқтисодиётига қайтар репо (қимматбаҳо қоғозларни белгиланган нархда қайта сотиш мажбурияти билан сотиб олиш) операциялари ёрдамида 510 млрд юань (77 млрд доллар) киритди. Бу ҳақда банк сайтида маълум қилинди.

Энг йирик киритмалар охирги икки кун ичида кузатилди. 4 ва 5 февралда Халқ банки мос равишда 28 кунлик муддат, 2,6 фоизлик даромад ва 14 кунлик муддат, 2,4 фоизлик даромад билан 160 млрд юанлик (24,4 млрд доллар) ва 140 млрд юанлик (21,3 млрд доллар) операциялар ўтказди.

Ўтган ҳафтада Хитой Халқ банки шундай операциялар ёрдамида иқтисодиётга 690 млрд юань (105 млрд доллар) киритганди.

Таҳлилчиларнинг фикрича, Халқ банки шу тариқа жорий йилда 8 февралга тўғри келувчи Хитой Янги йили таътиллари арафасида бозорни ликвидлилик билан тўйинтирмоқчи.