Хитойлик интернет фойдаланувчилар АҚШлик қўшиқчи Мадоннани Тайвань байроғидан фойдалангани учун танқид қилдилар, деб хабар бермоқда Sky News нашри.

Қўшиқчи Rebel Heart Tour гастроль сафари доирасида Тайбэйда берган концертида елкасига Тайвань байроғини ташлаб олган. Тайвандаги маҳаллий интернет-форумларда кўпчилик Мадоннанинг бу ишини катта иштиёқ билан қабул қилган. Жумладан шарҳлардан бирида "Мадонна ўз ишлари билан Тайванни қўллаб-қувватламоқда. Тайвань ҳам Мадоннани яхши кўради", дейилган.

Ўз навбатида Хитойнинг Weibo микроблоглар хизмати фойдаланувчилари қўшиқчининг бу ишига салбий фикр билдиришган. "Тайвань ҳам давлатми? Ўлаёзгудек кулгим қистаяпти... сиз шунчаки вилоятсиз", деб ёзган шарҳловчилардан бири. "Мадонна сизнинг байроғингизга бурканиб олдию ва БМТ сизни тан олади, деб ўйлаяпсизми? Жуда кулгили", деб ёзмоқда яна бир фойдаланувчи.

Маълумки, Хитой ўзининг ҳудуди деб ҳисобловчи Тайваннинг мустақиллигини тан олмайди, бироқ у билан яқин иқтисодий алоқалар ўрнатган.

Кун янгиликлари

Кўпроқ янгиликлар