Япониянинг Окинава префектурасида Шимолий Корея томонидан ракета учириладиган бўлса, бундан фавқулодда огоҳлантириш бўйича ўқув машғулотлари ўтказилди. Бу ҳақда маҳаллий расмийлар ҳабар берди.

Таъкидланишича, бу машғулотларда табиий фожиалар ва фавқулодда вазиятларда ишлатиладиган фавқулодда огоҳлантириш миллий тизими J-Alert жалб қилинди. Ўқув машғулотлари давомида Окинава маъмурий маркази бўлган Наха шаҳри мэри Токиодан ракета учирилгани ҳақида ўқув сигнали олган. Шундан кейин бу сигнал барча маҳаллий давлат идораларига юборилган. Хабар олингандан кейин бир дақиқа ўтиб префектуранинг жамоат жойлари ва мактабларида овоз кучайтиргичлар орқали бу ҳақда хабар берила бошланган.

Япония Вазирлар Маҳкамаси бош котиби Ёсихидэ Суганинг айтишича, Япония "мамлакат фуқароларининг хавфсизлигини таъминлаш учун барча чораларни кўришни давом
эттиради". Бундай чоралардан бири "J-Alert тизими ишини текшириш" ҳисобланади.

2 февралда Шимолий Корея Электр алоқа бўйича халқаро иттифоқ ва Халқаро денгиз ташкилотини 8 февралдан 25 февралгача оралиқда сунъий йўлдош учиришни режалаштираётганидан хабардор қилган.