iPhone 6 смартфонининг минглаб эгалари Apple операцион тизими iOS’нинг охирги янгиланишидан кейин агар смартфон Apple мутахассисидан бошқа четки мутахассис томонидан таъмирланганини аниқласа, мунтазам ўчиб қолмоқда. Бу ҳақда Guardian нашри хабар бермоқда.

Мутахассисларнинг таъкидлашича, "53-хато" деб номланувчи хато қурилмани яроқсиз ҳолатга келтириши мумкин.

Эҳтимол, муаммо смартфоннинг бармоқлар изини аниқлашга жавоб берувчи Home тугмаси ишдан чиққанда ва смартфон эгаси Apple’дан бошқа "норасмий" компаниялар ёки шахсларга ёрдам билан мурожаат қилган ҳолда юзага келади. 

Ушбу хато пайдо бўлганда смартфондаги барча фотосуратлар ёки бошқа маълумотлар тиклаб бўлмайдиган ҳолда ўчиб кетади.

Экспертларнинг фикрича, компания бу ҳолатдан хабардор, бироқ ҳеч қандай чора кўрмаяпти.