«Севилья» жамоасининг франциялик 24 ёшли футболчиси Гаэль Какута Хитойнинг «Хэбэй Чайна Форчун» жамоасида фаолиятини давом эттиради.

Ўтган мавсумда «Райо Вальекано»нинг асосий футболчиларидан бири бўлган, жорий мавсумда эса андалусияликлар жамоасида асосий таркибга кира олмаган Гаэль Какута 5 млн евро эвазига Хитойга йўл олгани айтилмоқда.

Какута 2009 йилда, 18 ёшида «Челси» томонидан шов-шувлар билан харид қилинган, 2 йилдан кейин «Фулҳем»га ундан кейин «Болтон»га ижарага берилганди. Кейинчалик бу футболчи «Дижон», «Витесс», «Лацио» каби жамоаларда ҳам ижара асосида тўп сурди.

Қайд этиш керакки, «Хэбэй Чайна Форчун» қишки трансферлар вақтида «Рома»дан Жервиньони ҳамда «Севилья»дан Стефан Мбиани харид қилганди.

Маълумот учун, Хитойда қишки трансферлар даричаси 28 февраль кунигача очиқ бўлади.

Одион Игало: Хитойликлар менга ҳафтасига 300 минг фунт тўламоқчи бўлди, лекин болалик орзумни сотишни истамадим