АҚШ молия вазирлиги: 2015 йилда рекорд сондаги америкаликлар АҚШ фуқаролигини олишни рад этди

Жаҳон 07 Февраль 2016 3296

2015 йилда АҚШ фуқаролиги ёки бу мамлакатда узоқ муддатли яшаш учун рухсат олишни рад этган одамлар сони рекорд даражадаги 4729 кишини ташкил қилди. Бу ҳақда Washington Times газетаси АҚШ молия вазирлиги расмий маълумотларига иқтибос келтирган ҳолда хабар бермоқда.

2015 йилнинг 4-чорагининг ўзида 1058 киши фуқаролик олишни рад этган. Нашрнинг таъкидлашича, бу кўрсаткич 1998 йилда молия вазирлиги шундай маълумотларни йиғишни бошлагандан бери рекорд кўрсаткич бўлди. 1998 йилда бундай кишилар сони 398 нафарни ташкил қилган ва кейинги йилларда мунтазам ошиб борган. Бироқ 2006-2008 йилларда бу кўрсаткич кескин пасайган ва 2008 йилда 231 кишини ташкил қилган. 2012 йилда ҳам бу кўрсаткич 2011 йилдаги 1781 нафардан 932 нафаргача пасайган. Шундан кейин у уч йилдан бери ошиб келмоқда.

"Кўринишича, АҚШ фуқароси паспортига ёки узоқ муддатли яшаш учун рухсатга эга бўлиш мамлакатнинг солиқ қоидаларига амал қилишга кетадиган ташвиш ва харажатларга арзимайди", деб айтмоқда халқаро ҳуқуқ бўйича мутахассис Эндрю Митчелл.

Экспертларнинг фикрича, АҚШ фуқаролигини рад этаётган одамлар сонининг кўпайиши Вашингтон 5 йил аввал ўз активларини хорижда яшираётганларга қарши кампанияни бошлагани билан боғлиқ. 2009 йилда Швейцариянинг энг йирик банки UBS АҚШ ҳукумати томонидан суд орқали америкалик омонатчиларга солиқдан қочишга ёрдам беришда айбланиб, 780 млн долларлик жарима тўлашга ва 4 мингдан кўпроқ мижози ҳақидаги маълумотни ошкор этишга мажбур бўлган. Шу воқеадан кейин яна бир неча йирик халқаро банклар Вашингтон санкцияларига тушишдан хавфсираб, АҚШ солиқ бошқармаси билан америкалик мижозлари ҳақидаги маълумот билан бўлишишни афзал кўрган. Натижада АҚШ хорижда ўз активларини беркитган жисмоний шахслар ва молиявий компаниялардан 2009 йилдан бери солиқ ва жарима сифатида 13,5 млрд доллардан кўпроқ пул ундирган.

Нашр маълумотларига кўра, солиқни тўлаш бошқа давлатларда яшовчи 7 млн америкаликларга "ортиқча юк" бўлмоқда. Гап шундаки, АҚШда бошқа давлатлардан фарқли равишда, хорижда даромад олаётган фуқароларидан ҳам солиқ олинади. Шу тариқа, хориждаги америкаликлар ҳам хорижий давлатга, ҳам АҚШга солиқ тўлашга мажбур бўлмоқдалар. Қонунчиликни бузганлик учун жарима йилига 70 минг долларни ташкил қилиши мумкин.

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 36204 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 75959 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 11639 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 142155 Жамият
Австралия бош вазири Барселонадаги теракт туфайли махсус стратегия ишлаб чиқилишини маълум қилди
10:40 16 Жаҳон
Бразилияда мушт қилиб турган қўл кўринишидаги булут одамларни хавотирга солди
10:36 867 Жаҳон
Абитуриент ҳикояси: “Мен ўқув маркази томонидан алдандим”
10:34 607 Lifestyle
Сохта ҳужжат тайёрлаб, қайнакасининг уйини сотиб юборган аёл фош этилди
10:26 402 Жамият
Швециялик яҳудий Фаластинга пиёда жўнади
10:19 463 Жамият
Чимёнда қидирув-қутқарув ишлари олиб борилди
10:12 1025 Жамият
Кўпроқ янгиликлар