Теннеси штатининг вояга етмаган ишлари бўйича суди уйининг дерезаси остида ўйнаётган 8 ёшли қўшнисини помпали қурол билан отиб ўлдирган 11 ёшли болани озодликдан маҳрум этиш тўғрисида қарор қабул қилди.

Ҳодиса 2015 йилнинг 3 октябрь куни унча катта бўлмаган Уайт Паин шаҳарчасида содир бўлган эди. Маккайла Даер исмли қизалоқ ўз уйининг майсазорида дугонаси билан ўйнаётган бўлган. 11 ёшли қўшни бола деразадан туриб ундан кучук боласини кўрсатишини сўрайди. Қиз бунга рад жавобини берганидан сўнг бола отасининг помпали қуроли билан қизга қарата ўқ узганди.

Суд болани қотилликда айбдор деб топиб, 19 ёшга тўлгунига қадар штатдаги вояга етмаганлар жазони ижро этиш муассасасида ҳукмни ўташ тўғрисида қарор қабул қилди.

Тергов материалларида боланинг ота ва бобоси унга қурол билан муомалада бўлишда хавфсизлик қоидаларига риоя этиш лозимлигини ўргатмагани қайд этилган.

АҚШда 5- синф ўқувчиси кучук боласи сабабли қўшни қизни отиб ташлади