Киевдан Тбилисига парвоз қилиши керак бўлган самолёт хавфсизлик нуқтаи назаридан аэропортда ушлаб қолинди. Бу ҳақда 7 февралда Facebook фойдаланувчиларидан бирига иқтибос келтирган ҳолда "Грузия Online" нашри хабар берди.

"Киев-Тбилиси рейси самолётига кирдик, самолёт мана-мана учиши керак эди. Бирдан маст ҳолдаги грузин ўзини террорчи деб, ҳамма портлашини айтди. Полиция етиб келди, бизни самолётдан туширишди ҳамда ҳаммамизни ва ҳамма нарсани текширишди", деб маълум қилди ижтимоий тармоқда ушлаб қолинган рейс йўловчиси.

Янги йил таътилларида Владивосток–Петропавловск-Камчатский самолётининг маст ҳолдаги йўловчиси самолёт бортида портлаш уюштириши билан таҳдид қилган. Самолёт манзилга етиб келгач, у чеккароққа олинган. Тўполончи йўловчи полиция қўлига топширилган, унинг қўл юкида ҳам, юкхонадаги юкида ҳам портловчи қурилма аниқланмаган.

1 январда парвоздан олдин самолётдан туширилган маст ҳолдаги эркак Шереметьево аэропортидаги учин-қўниш полосасидаги микроавтобусни олиб қочиб кетган. Эркак трапдан тушиши биланоқ, бизнес-синф йўловчиларини ташиш учун мўлжалланган микроавтобусга югуриб борган ва уни рулига ўтириб, шлагбаумни уриб кетиб, микроавтобусда аэропорт ҳудудидан чиқиб кетган. Қоидабузар Ярославский шоссесида ушланган. Уни аэропорт полиция бўлимига олиб бориб, ундан жарима ва моддий зиён ундирилиб, сўнгра уйига қўйиб юборилган.