Интернет фойдаланувчилари Twitter микроблоглар хизматининг янгиликлар тасмасини шакллантириш алгоритмини ўзгартиргандан кейин "ўлишини" прогноз қилишмоқда. Компания янги алгоритмини синовдан ўтказаётгани ҳақида BuzzFeed портали маълум қилди. 

Twitter постларни чиқаришнинг янги механизмини февраль ўрталаридаёқ тақдим қилиши мумкин. Гапларга қараганда, хизмат твитларни хронологик тартибда (ёзилган вақтига қараб) эмас, балки фойдаланувчининг қизиқишига амал қилган ҳолда чиқаради. Бунда янги алгоритм асосий бўладими ёки уни опциялардан бири сифатида ишлатиш мумкин бўладими, номаълум қолмоқда.

Фойдаланувчилар шу сабабли компания яқин орада йўқ бўлиб кетишини прогноз қилмоқдалар ва #RIPTwitter хештегини ("Ётган жойингда тинч ётгин, Твиттер") жаҳон етакчи ўринларига чиқаришди. Фойдаланувчиларнинг асосий норозилигига хизмат янгиликларни чиқаришнинг янги усулига ўхшаш алгоритмдан фойдаланувчи Facebook’га ўхшаб қолиши сабаб бўлмоқда.

Фойдаланувчилар Twitter янги алгоритмни асосий сифатида киритса, оммавий равишда уни тарк этиш билан таҳдид қилишмоқда.

Twitter тасманинг янги форматини синовдан ўтказишни 2015 йил декабридан бошлади. Баъзи фойдаланувчилар уларнинг "дўстлари"даги янгиланишлар тартиб бўйича кўрсатилмаётганидан ишкоят қилишган. Хизмат вакили янги функция тажриба сифатида синалаётганини айтган.