Эркин кураш: Ўзбекистон термаси 2016 йилги олимпиада йўлланмаларини қўлга киритиш учун мусобақаларга киришади

Спорт 08 Февраль 2016 2997

Эркин кураш бўйича Ўзбекистон терма жамоаси аъзолари навбатдаги ўқув-машғулот йиғини ҳамда анъанавий халқаро турнирда иштирок этиш учун Беларусь пойтахти Минск шаҳрига жўнаб кетди. Бу ҳақда Ўзбекистон Миллий Олимпия қўмитаси матбуот хизмати хабар берган.

Ўзбекистон терма жамоаси аъзолари дастлаб ўқув-машғулот йиғинида иштирок этади. Шундан сўнг, 18-19 февраль кунлари уч карра Олимпиада ўйинлари ғолиби Александр Медвед соврини учун ўтказиладиган анъанавий халқаро турнирда қатнашишади.

Жорий йилнинг 18-20 март кунлари Қозоғистон пойтахти Астана шаҳрида “Рио-2016” Олимпиада ўйинларининг йўлланмалари ўйналадиган қитъавий саралаш мусобақаси ўтказилади. Беларусда ташкил этилган ўқув-машғулот йиғини айнан ушбу нуфузли мусобақа олдидан тайёргарлик босқичи вазифасини ўтаб беради.

Минск шаҳрига йўл олган терма жамоа таркиби: Нодиржон Сафаров, Аббос Раҳмонов (ҳар иккиси – 57 кг), Ихтиёр Наврўзов (-70 кг), Бекзод Абдураҳмонов (-74 кг), Умид Исманов, Сослан Тигиев (ҳар иккиси – 86 кг), Ҳусанбой Раҳимов, Магомед Ибрагимов (ҳар иккиси – 97 кг), Ҳасанбой Раҳимов (-125 кг). Мураббийлар: Александр Недорезов, Арсен Шарашенидзе. Ҳакамлар бригадасидан Туймурод Адизов ўрин олган.

Маълумот учун, 2016 йилнинг 17-21 февраль кунлари Бангкок шаҳрида (Таиланд) эркин кураш бўйича Осиё чемпионати ўтказилади. Мазкур қитъа чемпионатида “Рио-2016” ўйинларининг лицензиялари ўйналмаганлиги боис терма жамоа мураббийлари Осиё чемпионатига иккинчи рақамли спортчиларни юборишга қарор қилган.

Кун янгиликлари
Ўқишга кира олмадингизми? Ташвишланманг, талаба бўлишингиз мумкин 
16:32 / 17.08.2017 41560 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 14673 Ўзбекистон
Дори қути ортига яширинган сир: тиббиётдаги яна бир "ўйин” фош этилди
17:20 / 16.08.2017 92972 Ўзбекистон
Хитойдаги кимё заводида кучли портлаш юз берди
00:33 1544 Жаҳон
ОАВ: МРБ Испанияда теракт тайёрланаётганидан огоҳлантирган
23:46 / 17.08.2017 1943 Жаҳон
Янги ўқув йилида олий ўқув юртларида ўқиш учун контракт пули ошмайди
23:30 / 17.08.2017 5648 Ўзбекистон
Йўқолган никоҳ узук 13 йил ўтиб сабзида топилди
23:25 / 17.08.2017 8490 Жамият
Барселонадаги теракт гумондорлари қўлга олинди
23:20 / 17.08.2017 3426 Жаҳон
Хайрулла Нуриддинов МТРК раиси  ўринбосарлигидан кетди
23:15 / 17.08.2017 8050 Ўзбекистон
Фото: Австралияда дунёдаги энг кучли қуёш электростанцияси қурилади
23:10 / 17.08.2017 1370 Технология
Кўпроқ янгиликлар