Тошкент шаҳридаги касб-ҳунар коллежларнинг бирида таҳсил олувчи Қудратбекни «Бобур» номидаги маданият ва истироҳат боғида 19 ёшли Жамшид ва 20 ёшли Шаҳзод исмли йигитлар тўсиб, пичоқ ўқталишади. Бировга айтса, ўлдиришларини айтиб, таҳдид қилишади ва Қудратнинг қўлидан қиймати 800 АҚШ доллар бўлган «Ipаd-4» планшетини тортиб олишади ва воқеа жойидан яширинишади. 

Воқеа юзасидан ИИБга ариза билан мурожаат этишди.

“Ўқиш, ишлаш, жамиятга фойда келтириш ўнига бошқаларнинг йўлини тўсаётган талончи-босқинчи бу йигитларнинг изидан тушган тезкор ходимлар уларни тез орада топиб, қўлга олишди. Эндиликда мазкур воқеа юзасидан жиноят иши қўзғатилиб, тергов ҳаракатлари олиб борилмоқда”, деб ёзади “Огоҳ” газетаси.