Хитойлик актёр Жеки Чан эгалик қиладиган Baxi DC Racing пойга жамоаси LMP2 синфига мансуб 24 Heures du Mans марафонида иштирок этади. Экипаж Nissan двигателлари ўрнатилган Alpine A460 спорт прототипини бошқаради.

Экипаж таркибидан Хо-Пинь Тун ва Дэвин Чень ўрин олган. Ўтган мавсумда жамоа “Ле Ман”нинг Осиё сериясида ўз тоифасида ғолибликни қўлга киритган эди.

Чан мазкур марафон билан алоқадор тўртинчи Голливуд актёри саналади. Унгача 1971 йилда Стив Маккуин “Ле-Ман” фильмида бош ролни ижро этган эди. 1979 йилда Пол Ньман марафонда иккинчи ўринни қўлга киритган. 2009 йил ва 2013-2015 йилларда Патрик Демпси марафонда иштирок этган.

Эслатиб ўтамиз, яқиндагина актёрлар Жеки Чан ва Пирс Броснан иштирокидаги "Хорижлик" деб номланган янги фильмни суратга олиш жараёнида Лондоннинг Ламберт кўпригида автобус портлатилди. Суратга олиш вақтида кўприк ёпиб қўйилди. Портлатиш саҳналари баъзи лондонликларга 2005 йилда Лондонда содир этилган терактларни эслатиб юборган, ўшанда терактлар жамоат транспортида ҳам содир этилганди.