Россиянинг UAZ автомобилсозлик компанияси ўзининг автомобиллари учун янги эмблемасини намойиш қилди. Бу янги логотипни оладиган биринчи модель модернизация қилинган Patriot йўлтанламаси бўлади.

Ульянов автомобиль заводи ўзининг 75 йиллик тарихи давомида ўз логотипини 10 дан кўпроқ марта ўзгартирган.

Янги логотип "УАЗ"нинг анъаналари ва тарихи билан боғлиқликни мерос қилган ҳолда ҳамда шу билан бирга замонавий кўриниш ва хромланган фактурага эга ҳажмли белги кўринишида ишланган.

Янги "Патриот" 2016 йилнинг иккинчи ярмидан ишлаб чиқарила бошланади. Дастлабки маълумотларга кўра, модель барқарорлаштириш тизими, круиз-контроль, хавфсизлик ёстиқчалари ва ўзга кўринишдаги асбоблар панели билан жиҳозланади.