АҚШ ҳукумати Афғонистондаги "Толибон" жангариларига қарши кураш доирасидаги ҳаракатларини кенгайтириш мақсадида бу мамлакатдаги ҳарбий контингенти миқдорини оширади. Бу ҳақда The Guardian хабар ёзган.

Қайд этилишича, бу қарорга жангариларнинг маҳаллий ҳукуматга қарши курашда устунликка эриша бошлагани сабаб бўлмоқда.

Хабар қилинишича, америкалик ҳарбийлардан иборат бир батальон февраль ойи охирида Афғонистоннинг Ғилмон вилоятига жойлаштирилади. "Толибон" бу вилоятда америкалик ва британиялик ҳарбийлар бўлишига қарамасдан ҳудудни эгаллаб олишни режалаштирган ва бу ҳудудда етиштириладиган гиёҳванд моддалар назоратини қўлга олишни мўлжаллаган. Жангарилар айни вақтда вилоят маркази Сангинни деярли эгаллаб бўлишгни айтилади.

Афғонистон ҳукумати билан янги келишувга кўра, АҚШ ҳарбийлари ҳарбий ҳаракатларда иштирок этмайди ва маҳаллий ҳарбийларни жангларга тайёрлаш билан шуғулланади.

Қайд этиш керакки, охирги ойларда Афғонистонда вазият оғирлашмоқда. "Толибон" жангарилари мамлакат шимолидаги ҳудудларида таъсирини кенгайтирган.