Бирлашган Араб Амирликлари ҳукуматида янги лавозимлар – бахтиёрлик ва диний тоқатлилик бўйича вазир лавозимлари таъсис этилмоқда. Бу ҳақда 9 феврлада РИА “Новости” ахборот агентлиги маълум қилди. БАА ҳукуматида кенг кўламли ўзгаришлар ҳақида 8 февралда БАА бош вазири, Дубай ҳукмдори Муҳаммад ал-Мақтум твиттерда маълум қилди.

Бахтиёрлик вазири барча давлат режалари, дастурлари ва сиёсатни бирлаштирган ҳолда "жамиятни бахтиёрроқ қилиш билан шуғулланади". Диний тоқатлилик вазири эса диний тоқатлиликни "амирлик жамиятининг бош қадрияти" эканлигини сингдириш билан машғул бўлади.

Бош вазирнинг айтишича, БАА президенти Халифа ибн Зайд ал-Наҳайян бу таклифларни маъқуллади. Ислоҳотлар ҳозирда Дубайда бўлиб ўтаётган келажак бошқаруви бўйича Жаҳон саммитида эълон қилинди.