АҚШ ва яна 22 та давлат тижорат самолётларини ишлатишда атмосферага углерод диоксиди газини чиқаришни қисқартириш масаласи бўйича келишувга эришдилар, деб хабар бермоқда Financial Times нашри.

Янги стандартлар Халқаро фуқаролик авиацияси ташкилоти (ИКАО) мутахассислари томонидан ишлаб чиқилди. Бу стандартлар 2020 йилда янги моделдаги самолётлар учун кучга кириши керак, 2028 йилдан эса меъёрларга талаб бермайдиган самолёт моделлари ишлаб чиқарилиши тўхтатилади.

Катта самолётлар учун чиқиндилар миқдори 20–40 фоизга қисқариши тахмин қилинмоқда, бунинг самараси эса кунига йўллардан 140 тадан кўпроқ автомобилни олиб ташлаш билан баробар. ИКАО прогнозларига кўра, янги стандартлар 2020 йилдан 2040 йилгача ёнилғида 8,5 млрд доллар тежашга имкон беради.

Таъкидланишича, Boeing компанияси вакиллари янги стандартларга тайёр эканликлари ва уларни ижобий баҳолашларини айтганлар.

Келишувни имзолаган давлатлар рўйхати маълум қилинмаган. Шуниси маълумки, янги стандартларни киритиш ташаббусини АҚШ президенти Барак Обама маъмурияти билдирган.